Havila Holding er eit familieeigd investeringsselskap og morselskap for ei rekke selskap innan ulike segment.
Selskapet er eigd av Per Sævik saman med barna Njål Sævik, Hege Sævik Rabben og Vegard Sævik, som utgjer styret i selskapet. Havila Holding vart stifta i 1997.
Slik startar historia om Havila Holding. Per var den tredje eldste i ein syskenflokk på ni barn. Faren var fiskar, skipper, reiar. Heilt ut mot havet på Sunnmøre er det skrinne knausar, frådande stormar og vekslande fiskeri. Ein blir sterk av slikt. Og lærer å sjå nye mulegheiter.
1997. Eit nytt kapittel startar. Havila Supply. Namnet er henta frå Første Mosebok. Der står det om landet ved Edens hage som heiter Havila. Det er landet der gullet er godt. Eldste sonen til grunnleggaren Per Sævik, Njål, kjem med i leiinga av det nye selskapet, og namnet fortel om ei målsetning om at ein skal skape godt gull, ikkje gull som øydelegg verken familie og familieforhold.
I ein kort periode på slutten av 90-talet eig Sævik-familien verftet Simek i Flekkefjord. I 2000 går Havila igjen inn i skipsbyggingsindustrien gjennom kjøpet av verftet Kværner Leirvik, som no får namnet Havyard Leirvik og Havyard Group vert etablert.
Året etter kjem Havilas første investering i reiseliv. Det skjer i vesterled. Offshore-samarbeid med reiarlag på Færøyane har opna augo for øygruppa i vest, og Havila Holding går inn i Hafna Hotel i Torshavn.
I 2005 vert Havila Shipping ASA børsnotert, og Havyard Group som til no har vore eit reint verfts-selskap, kjøper eit skipsdesignfirma. Det er starten på det som skal bli eit børsnotert maritimt teknologikonsern. I 2007 vert skips- og eigedomsinvesteringar samla i Havila Ariel, som året etter blir børsnotert. Endå nokre år seinare kjøper Sævik-familien selskapet av børs, og Havila Ariel vert familien sitt eige selskap for eigedomsinvesteringar.
Transport av passasjerar og gods kjem inn i Havila-konsernet i 2011 gjennom eigarskap i Smyril Line, som går i rute mellom Færøyane og fleire europeiske land, og ikkje minst gjennom at Havila går inn i ferjeselskapet Fjord1.
I heimbyen, Fosnavåg, var Havila-konsernet ein naturleg del av det felles løftet som næringslivet tok, for å utvikle lokalsamfunnet med bygging av Sunnmørsbadet, hotell og konserthus. Thon Hotel Fosnavåg opna i 2014. Sævik-familien har tru på at reiseliv er eit forretningsområde der ein kan skape aktivitet og lønsame arbeidsplassar.
I 2014 vert også Havyard Group børsnotert. Namnet no er Hav Group.
Same året kjøper Havila Holding Hotell Ivar Aasen i Ørsta og tek over alle aksjane i Fjord1. For ferjeselskapet går ferda til børsnotering. Gjennom Fjord1 vert ein også medeigar i The Fjords, Fjord Tours og Widerøe,
I 2018 utvidar Havila reiselivssatsinga med å kjøpe Hotel Raftevold i Hornindal og hadde dermed bygd ein reiselivsakse frå fjell til fjord og fjøre. Selskapet Havila Hotels blir stifta. Og på Færøyane startar bygginga av nytt hotell i Torshavn.
Frå 2020 er også Hotell Geiranger ein del av Havila Hotels, og får namnet Havila Hotel Geiranger.
